گوڵ به‌هۆی شنه‌ی باوه مێروو بۆ لای خۆی ڕاده‌کێشێت

زاناکان بۆیان ده‌رکه‌وتووه، که گوڵ به‌هۆی شنه‌ی با‌وه سه‌رنجی مێروو بۆ لای خۆی ڕاده‌كێشێت.

له‌ڕێگای ئه‌م زانیارییه‌وه ڕوون ده‌بێته، بۆچی گوڵه‌کان له‌کاتی ‌شنه‌ی بادا زیاتر کراوه‌ن - تا بڕێکی زیاتریان له‌لایه‌ن مێرووه‌کانه‌وه پۆلین بکرێن.

ئه‌م زانیارییه زاناکان له‌ئاکامی لێکۆڵینه‌وه‌کانیان له‌سه‌ر گوڵی کێوی له که‌ناری "Welsh"دا پێیگه‌یشتن.

زاناکان له‌سه‌ر ڕووپه‌ری گۆڤاری "Journal of Evolutionary Biology"دا ده‌نووسن، که ئه‌و گوڵانه‌ی شنه‌ی با بۆ پۆلینکردن ده‌قۆزنه‌وه، زۆر زیاتر له‌لایه‌ن مێرووه‌کانه‌وه سه‌ردان ده‌کرێن و به‌به‌راوردکردن له‌گه‌ڵ گوڵه‌کانی دیکه‌دا زیاتر ده‌پیتێنرێن و بڕێکی یه‌کجار تۆو وه‌به‌رهه‌مده‌هێنن.

ئه‌و جۆره گوڵانه‌‌ش چه‌ند جۆرێکی جیاواز له مێروو سه‌ردانیان ده‌که‌ن، ئه‌وه‌ش به‌به‌راورکردن له‌گه‌ڵ ئه‌و گوڵانه‌ی شنه‌ی با بۆ پۆلینکردن ناقۆزنه‌وه.

چه‌ند ساڵێكه زاناکان ده‌زانن، که گوڵ بۆ مه‌به‌ستی پۆلینکردن ڕه‌نگ، بۆن، په‌ڕه‌ی گوڵی جۆراوجۆری تایبه‌ت و شیله‌ی گوڵ بۆ ڕاکێشانی مێروو به‌کارده‌هێنێت. به‌ڵام تاکو ئێستا که‌س هه‌ستی نه‌کردووه، که گوڵ شنه‌ی با وه‌ك ڕێگایه‌ك بۆ ڕاکێشانی مێروو به‌کارده‌هێنێت.

"John Warren" له "University of Aberystwyth" به‌ڕێکه‌وت له‌که‌ناری ده‌ریا تێبینیکرد، که چۆن گوڵ شنه‌ی با بۆ ڕاکێشانی مێروو ده‌قۆزێته‌وه. له‌پاش ئه‌م تێبینکردنه‌ ناوبراو هه‌ڵسا به گه‌ڕان به‌دوای وه‌ڵامێکی گونجاو بۆ ئه‌م دیارده‌یه. به‌ڵام له‌ئاکامی گه‌ڕانه‌کانی له‌لێکۆڵینه‌وه‌کانی پێشووتردا هیچ وه‌ڵامێکی گونجاوی نه‌دۆزییه‌وه.

دوای ئه‌و گه‌ڕانانه‌ش "John Warren" به‌یاوه‌ری "Penri James" چاودێری 300 گوڵی باڵا جیاوازیان کرد و تێبینی جوڵه‌ و سه‌ردانی مێروویان کرد، هه‌روه‌ها پاش پۆلێنکردنی بڕی تۆوی به‌رهه‌مهاتوویان هه‌ڵسه‌نگاند.

له‌کۆتایی لێکۆڵینه‌وه‌که‌یاندا توێژه‌ران گه‌یشتنه به‌ڵگه‌ی ئه‌وه‌ی، که ژماره‌یه‌کی زۆر له مێرووه‌کان سه‌ردانی ئه‌و گوڵانه ده‌که‌ن، ئه‌وانه‌ی شنه‌ی با بۆ ڕاکێشان به‌کارده‌هێنن، له‌ئاکامدا ئه‌و گوڵانه بڕێکی یه‌کجار زۆر له تۆو وه‌به‌رهه‌مده‌هێنن.

سه‌رچاوه‌ی هه‌واڵ:

BBC

لینکی په‌یوه‌ندیدار:

University of Aberystwyth

John Warren

Journal of Evolutionary Biology